مرحبا
كيفكم مع الاجواء الشتوية ؟ اليوم حبيت اتكلم لكم عن مجموعةExtraordinary OIL من لوريال للشعر الجاف والعادي.
الي جربته من هذي المجموعة الشامبو والبلسم وبديل الزيت ..
نبدأ بالشامبو والبلسم مركبة بـ 6 زيوت مستخلصة من الزهور تغذي الشعر بعمق
وتغذي الياف الشعر من فروة الرأس وتعطي اللعمان الصحي للشعر هذا الي مكتوب بالعلبة ,, طبعا شعري الفروة شبه دهنية والاطراف جااافه ,نرجع للشامبو يجي سائل شفاف ريحته جمممممميلة وينظف الشعر كويس وماحسيته يجفف الشعر مثل اي شامبو ثاني بالعكس حسيته يرطب شعري وخصوصا اطرافة .
واما البلسم اكيد قوامه تجي اثقل من الشامبو وفيه حبيبات تلمع وريحته نفس الشامبو عجججيبه بس ريحته اقوى من الشامبو بشوي ترطيبه عااالي جددا حسيته عطى لمعه خفيفه لشعري وفعلا حسيت شعري رطب مو قاسي "طبعا البلسم بس تستخدمينه لاطراف شعرك لا تستخدمينه لفروة رأسك عشان مايسبب لك تساقط ".
بصراحة جربته هو قبل الشامبو والبلسم وهذا ثاني استعمال لي خلصت قبل واحد ورجعت اشتريه هو والشامبو والبلسم الي حمسني اجربه هوالأوليو كراتين وزيت الارقان طبعا كلنا نعرف ايش فوائدهم للشعر..
الحلو فيه انه يهججد النفشة وحسيته خلى شعري حيوي وصحي بصراحة افضل بديل زيت جربته وفي له عدة استخدامات اذا حابه تستخدميه بعد الشاور وشعرك مبلول او حابه تسخدميه وشعرك جاف.
" حابه انوه ع نقطه ان من مكونات البديل الزيت موجوده مادة Amodimethicone
وهي تعتبر من انواع السيليكون"
و بعض البنات مايحبون يستخدمون منتجات لشعرهم فيها سيليكون
و يهمهم هالشي بمنتجات الشعر بس انا مايهمني هذا الشيء عادي فحبيت اقولكم على هذي المعلومة لان متابيعاتي بالانستقرام نبهوني على هذا الشيء.
بااختصار المجموعة هذي فضيعة للي شعرها جاف وتعاني من النفشة زيي انصحها فيها وبقوة ,متوفرة بكل الصيدليات والسوبرماركت واسعارها ماتتعدا الـ30 ريال .
ووبس القاكم على خير :) ..
قد جربت بديل الزيت مرا بطل
ReplyDelete